A Policía Nacional vén de deter a dúas persoas en Ourense por un delito de roubo con forza en establecemento. “Os detidos cometeran un delito de roubo con forza en Ourense no mes de outubro. A Comisaría Provincial de Ourense dispón dun dispositivo especial para a prevención deste tipo de delitos no cal están coordinadas as brigadas de Seguridade Cidadá e Policía Xudicial”, segundo informa a Policía Nacional.
A Comisaría Provincial de Ourense, para dar resposta a posibles delitos de roubos con forza mantén varios dispositivos específicos de actuación, con medidas preventivas e investigativas nas que participan diversas unidades policiais, entre elas a Brigada de Seguridade Cidadá e a Brigada de Policía Xudicial.
Os detidos como presuntos autores do delito con forza utilizaran o modus operandi de o “resbalón” para acceder ao interior do hostal onde se perpetrou o roubo dun total de 500 euros en efectivo.
Axentes de Policía Nacional da Unidade de Delincuencia Especializada e Violenta (UDEV) da Comisaría Provincial de Ourense tras a investigación dos indicios procederon á detención dos dous individuos, como presuntos autores do feito sendo postos ao dispor xudicial.