A Garda Civil da Rúa e da Pobra de Trives, no marco da operación WHITE SKY, procedía á desarticulación o día 26 de maio de dous puntos de venda de droga e á detención de dous veciños de Trives, como presuntos autores dun delito contra a saúde pública-tráfico de drogas.
A investigación, segundo informa a Garda Civil, iniciábase hai tres meses, tras ter coñecemento de que os detidos levaban a cabo de xeito habitual, actividades de venda de substancias estupefacientes, estas actividades eran realizadas nos seus respectivos domicilios e en zonas próximas a establecementos públicos de Pobra de Trives.
Practicáronse tres rexistros domiciliarios en vivendas propiedade dos detidos e a Garda Civil incautábase de: 30 gramos de cocaína distribuída en dose, 100 ml de Popper, 5.000 euros en efectivo, útiles e substancias empregadas para a preparación e envaso de drogas e dous vehículos utilizados para o transporte e distribución das drogas.
O caso está no Tribunal de Instancia e Instrución da Pobra de Trives.