O Equipo Roca da Garda Civil da Rúa, en colaboración a Garda Civil de O Barco de Valdeorras, procedía á detención o día 18 de setembro de tres veciños do Barco como presuntos autores dun delito contra a saúde pública-tráfico de drogas.
A investigación iniciábase tras ter coñecemento de venda polo miúdo de cocaína no Barco. Durante os días 18 e 19 de setembro establecéronse varios operativos de vixilancia que deron como resultado a detención das citadas tres persoas e a aprehensión de 100 papelinas de cocaína e 49 gramos de marihuana.
A Garda Civil practicou un rexistro domiciliario no que se incautou de 1.145 euros en efectivo, dúas básculas de precisión e útiles para envasado e distribución de droga. Os detidos foron postos ao dispor do Tribunal de Instancia de O Barco de Valdeorras.
