Coas doce prazas cubertas e trala previa coas categorías base, comezaba na tarde do venres 26 de decembro o I Torneo de Nadal de fútbol sala, no pavillón municipal de Calabagueiros, no Barco de Valdeorras.
Na primeira xornada disputábanse seis partidos (de 21 a 02 horas) e na segunda, neste sábado 27 de decembro, as outras seis de mañá e as eliminatorias de tarde. Nesta galería poden verse imaxes do partido entre Tramación e Gato Negro, do grupo A.
As semifinais comezarán ás 21 horas e a gran final está prevista para as 00:00 horas. Un día e medio de intenso fútbol sala para despedir o ano por todo o alto.
Con respecto aos premios, haberá un primeiro de 500 puntos para o gañador; outro de 150 para o subcampión; e un de 75 para o terceiro clasificado.
Fotos: Mónica G. Bellver.