Primeiras medallas para O Barco nos XVI Xogos do Eixo Atlántico que se celebran en Santiago de Compostela, hoxe no Estadio Verónica Boquete San Lázaro. De momento, dous bronces, nas modalidades de lanzamento de peso e velocidade (80 metros lisos), para o equipo de atletismo.
Alberto López acadaba esta mañá o terceiro posto na modalidade de lanzamento de peso, na categoría cadete masculino; e David García, facía o propio na proba de 80 metros lisos, na categoría infantil masculino. Destacan tamén os cuartos postos de Eva Posada en lanzamento de peso feminino; Eiden Ferrer en salto de lonxitude masculino; e de David, Alberto, Eiden e Viacheslav, na proba de relevo masculino.
Por diante, aínda moitos días de competición e convivencia dos máis de 2.000 deportistas que participan neste encontro, procedentes de 28 concellos de Galicia e do Norte de Portugal.
