Vinte estudantes da provincia de Ourense de diferentes idades convertíanse en protagonistas da celebración do Día da Constitución neste 2025 na provincia. Os seus traballos (debuxo, fotografías e vídeos) resultaban galardoados no 41 Concurso da Constitución Española. que organiza a Subdelegación do Goberno en Ourense, cuxa temática se centraba nesta edición no artigo 45.2 da Carta Magna: “Os poderes públicos mirarán pola utilización racional de todos os recursos naturais, co fin de protexer e mellorar a calidade de vida e defender e restaurar o medio ambiente, coa axuda da indispensable solidariedade colectiva”.
Máis de 1.300 traballos presentábanse ao certame, no que se concedían 10 premios na categoría de Educación Infantil, Primaria e Educación Especial, que recibiron un agasallo e un exemplar da Constitución Española; e 10 na categoría de Ensino Secundario Obrigatorio, Bacharelato, Ciclos Medios de Formación Profesional e a Universidade. Estes alumnos resultaron premiados cun bono cultural e tecnolóxico.
Entre os premiados había dos escolares valdeorreses: Izán Vidal Álvarez, alumno de 3º de primaria do CEIPJulio Gurriarán do Barco, e Luis Álvarez García, estudante de 2º de ESO do Colexio Divina Pastora do Barco.
Estudantes galardoados nesta edición deste concurso da Subdelegación do Goberno en Ourense
Fotos: Carlos G. Hervella/ Mónica G. Bellver.