Destacados resultados para os marchadores do Club Adas Cupa do Barco no XI Trofeo Memorial Josefina Romero de Marcha Atlética, celebrado o 18 de maio na Coruña. Sobresaía a medalla colleitada por Mateo Valcarce nos 3 km, que se facía coa prata en categoría Sub16, mentres que Paula Cela era a 11ª muller en chegar a meta nesa mesma carreira, quedando oitava na súa categoría, a Sub16.
O segundo podio valdeorrés na Coruña conquistábao Dylan Castillo, que quedaba terceiro en 1 km Sub10 masculino, mentres que Antía Guntiñas quedaba quinta nesa mesma categoría. Ademais Irina Sánchez era sexta en Sub12 nos 2 km e Xoana Méndez sétima na carreira de 5 km Sub18, pero cuarta na súa categoría.
Fotos cedidas.
