Contra as 10:30h. deste luns 1 de xuño tiña lugar un accidente de tráfico na rúa Progreso da Rúa (un dos accesos á vila e nas proximidades da rotonda do Colexio Pablo VI, á altura do 177. Dous turismos colisionaban, segundo informa o 112 Galicia, que recibía o aviso dun particular, que matizaba que un deles envorcara, pero que todos os seus ocupantes estaban fóra. Segundo as primeiras informacións, non se ten constancia de feridos.
O 112 Galicia daba aviso do sinistro ao 061-Urxencias Sanitarias, bombeiros do Parque Comarcal de Valdeorras, ao GES Valdeorras, á Policía Local e Protección Civil.
