Na tarde deste venres 30 de xaneiro producíase unha colisión por alcance en San Cibrao das Viñas, resultado ferida unha persoas que “precisou asistencia sanitaria”, indican dende o 112 Galicia.
O accidente tiña lugar ao fío das dúas e media. “Un dos implicados foi quen chamou, a esa hora, indicando que chocara contra outros dous coches cando circulaban pola OU-525, quilómetro 230, á altura de Noalla”, explican dene o 112, engadindo que á mesma hora un particular informaba do mesmo accidente indicando que “había tres vehículos implicados e que fora unha colisión por alcance”. Engadía ademais que “unha das persoas implicadas precisaba asistencia sanitaria”.
Con estes datos, desde o 112 Galicia pasaban aviso ao Servizo de Urxencias Sanitarias de Galicia-061, á Garda Civil de Tráfico, aos Bombeiros de San Cibrao, ao GES de Pereiro de Aguiar, á Agrupación de Voluntarios de Protección Civil da localidade e ao persoal de mantemento da vía.
Os servizos sanitarios comunicaron ao 112 Galicia que “en total foran atendidas dúas persoas”.