O subdelegado do Goberno en Ourense, Eladio Santos, visitou esta mañá a Asociación de Persoas Xordas de Ourense para convidar aos seus integrantes ao acto de homenaxe á Constitución Española que organiza anualmente a Subdelegación e que este ano conmemora o artigo 49, que establece a protección das persoas con discapacidade.
Eladio Santos trasladou a honra que supón contar un ano máis con este colectivo e sinalou a importancia dos cambios normativos que melloran a calidade de vida das persoas, en particular e neste caso, das persoas que teñen algún tipo de discapacidade.
O subdelegado lembrou que este venres 23 entra en vigor a reforma da Lei Xeral de Dereitos das Persoas con Discapacidade e a Lei de Autonomía Privado e Atención á Dependencia. Santos lembrou que traerá vantaxes en materia de coidados, redución da burocracia e apoio económico para as persoas con discapacidade.