O subdelegado do Goberno en Ourense, Eladio Santos, vén de reunirse neste 4 de novembro co fiscal delegado en materia de Dereitos Humanos e Memoria Democrática da provincia de Ourense, Carlos Fabregat, para abordar a colaboración en diferentes aspectos.
Santos ofreceulle o apoio da Subdelegación para a aplicación da Lei de Memoria Democrática na provincia e acordaron a cooperación na publicación do catálogo de simboloxía franquista.
Así mesmo, ambas institucións colaborarán en todo o relacionado coa reparación e os actos de divulgación da memoria democrática.
