In extremis, rozando o final do partido, marcaba o CD Barco o gol do empate ante o Alondras CF, sumando un punto máis no seu aínda pobre historial no regreso á Terceira Federación.
Na tarde deste domingo 2 de novembro, tralo empate a uns no campo do filial do Lugo, os rapaces de Lino Estévez saltaban ao céspede do campo minicipal de Calabagueiros dispostos a sumar os tres puntos en xogo e, trala foto oficial coa camiseta morada en apoio á 8ª Carreira das Cidades contra o Cancro de Páncreas de Vilamartín, protagonizaban un intenso partido con ataques directos e varias oportunidades xa na primeira parte aínda que eran os pontevedreses os que abrían o marcador ao transformar un penalti (dubidoso e moi criticado dende a bancada local) no minuto 22.
Na segunda parte, máis do mesmo, tendo que esperar ata o minuto 90 para que Rabil marcase o gol do empate. Neste momento so vermello están no posto 14 con oito puntos.
En tempo de magostos como estamos, hoxe no descanso do partido o CD Barco convidaba ao público asistente a castañas asadas alí mesmo.
Fotos e vídeo: Mónica G. Bellver.