No marco do proxecto SoutoLAB, impulsado pola Fundación Juana de Vega, está previsto no Barco un encontro con axentes do territorio, que terá lugar o venres 8 de maio, ás 19:30 horas, no salón de actos do Edificio Multiusos (3ª andar).
Este encontro pretende marcar o inicio dun “proceso aberto de diálogo e escoita, orientado a compartir visións, coñecementos e expectativas arredor dos soutos e da cultura da castaña, así como das oportunidades de innovación social, produtiva e territorial ligadas a este patrimonio clave da comarca”, segundo a fundación.
A sesión está pensada como un espazo participativo; a entrada é libre ata completar aforo.
