Cumprindo expectativas, máis de 3.000 persoas asistían na tarde deste domingo 22 de marzo ao campo municipal de Calabagueiros, para asistir ao derbi provincial de 3ª Federación entre o CD Barco e a UD Barbadás.
Á parte do bo tempo, cunha agradable temperatura e ceos despexados; e do partido en sí, co interese que sempre espertan os derbis; o de hoxe era o partido elixido polo Centro de Deportes Barco para abrir o campo á poboación(especialmente infantil), convidando aos cativos da contorna (con entrada gratis para un neno e dous adultos) que contaban cun gran espazo cuberto con castelos inchábeis xigantes (un dunha altura de 15 metros) no que pasaron a tarde.
E mentres os máis pequenos saltaban e xogaban nas colchonetas os maiores enchían as bancadas atentos a cada xogada do Barco que loita por asegurar a permanencia.
Fotos e vídeo: Mónica G. Bellver.