Na tarde deste sábado 25 de abril un home resultaba ferido nun accidente cando podaba unha árbore en Rairiz de Veiga. Tal como explican dende o 112 Galicia que era informado do suceso a través de Urxencias Sanitarias de Galicia-061 indicando que “un home caeu desde unha altura duns catro metros mentres podaba unha árbore na aldea Zapeaus, en Rairiz de Veiga”.
Desde o Centro Integrado de Atención ás Emerxencias solicitaban a acción dos axentes da Garda Civil. “Ao mesmo tempo, desde Urxencias Sanitarias de Galicia-061 informouse da mobilización do seu helicóptero medicalizado con base en Ourense”, indican, asegurando que o implicado “sufriu feridas graves e foi evacuado na aeronave ata o Complexo Hospitalario Universitario de Ourense”.