Casaio celebra nesta fin de semana as Festas do Corpus Christi. Nestes días esta localidade de Carballeda de Valdeorras contará cun variado programa de actos relixiosos, pero tamén lúdicos e musicais. Este sábado, 10 de xuño, é o un dos días centrais da festa. Ás 12:30h. tiña lugar a misa de Corpus e a celebración das Primeiras Comuñóns. Deseguido facíase a tradicional procesión sacramental, acompañada pola charanga Bembibrass.
Durante este percorrido, a veciñanza acompañaba ao Santísimo, que era portado polo párroco, Juan José Prieto, na custodia e protexido baixo palio. E no seu decurso facíanse determinadas paradas nos altares que se sitúan no traxecto. Nesta procesión tamén participaban os nenos de Primeira Comuñón.
A partir das 18h. os máis pequenos poderán desfrutar cunha colchoneta, de balde, na praza. Ás 21h. haberá baile coa orquestra Saudade, que a partir da unha da madrugada volverá actuar e logo soará a disco móbil Venus Dibao. Na xornada do domingo, ás 17:30h., actuará o mago Roberto Lolo e ás 20h. seguirá a festa coa charanga Lou-Band.
Fotos e vídeos: Manuel Barrio.