A avenida de Celanova, na Valenzá (Barbadás) converteuse nunha pasarela improvisada hoxe, 13 de febreiro, no Gran Folión de Entroido. Como cada ano, a orixinalidade das carrozas, das comparsas e dos disfraces encheu de cor este núcleo urbano. E a xente agolpábase ao carón desta gran avenida para gozar de devandito desfile, que arrancou cara ás cinco da tarde.
A choiva non conseguiu desanimar ás xentes deste concello, que saíron tapados cos seus paraugas e bailando cun sorriso na cara.
Finalmente, unha vez rematado o desfile, foi o tempo de dar os premios do concurso que outorga o Concello de Barbadás. Na categoría de “Parellas”, o primeiro premio de 200 euros foi para “Pedro e Pablo Picapiedra” e o segundo para as súas donas (150 euros) “Betty e Vilma Picapiedra”. O terceiro posto foi acadado por “A rapa da perica”, que gañaron 100 euros. O cuarto premio, dotado de 75 euros, foi para “Os Trolls visitan a Valenzá” e o quinto premio foi para a parella “Hasta el potato”, que gañaron 50 euros.
Na categoría “Individual”, o Fauno foi o gañador do premio de 150 euros e, na infantil, foi para “Super Rabeda Wings”, que gañou un bono agasallo de 200 euros.
En canto as charangas e contracharangas, o primeiro premio foi para “Sentinelas del reino de hielo”, que gañaron 350 euros. O segundo posto foi para “Las cuatro estaciones de Vivaldi”, que recibiron 300 euros. A charanga “BBB” recibiu o premio de 250 euros correspondente ao terceiro posto.
Finalmente, a comparsa gañadora foi “A tribú do Fonsillón” foi a gañadora do primeiro premio de 400 euros. “Luce a folla e cae a pluma” quedou segunda cun premio de 300 euros. O terceiro posto foi para “Os bagalumes” (250 euros). “O universo” gañou o cuarto premio de 200 euros e, finalmente, o quinto posto foi para “Móvete in love”, que recibiron 150 euros.
Fotos: Carlos Asensio.
