A historia do wolfram valdeorrés chega a Alemaña

O filme “Lobos sucios”, baseado nunha idea orixinal do rues Felipe Rodríguez, estréase mañá á tarde en Berlín

 

Novo paso internacional para o filme “Lobos sucios”. Esta película, que leva á gran pantalla a explotación nazi das minas de wolfram valdeorresas, estrearase na tarde do 17 de xaneiro nos cines Hackesche Höfe de Berlín (Alemaña).

Ata terras alemás se desprazará parte do seu equipo, do que forma parte o valdeorrés Felipe Rodríguez, coguionista. Esta película ten ademais como punto de partida un documental, co mesmo título, dirixido por Rodríguez no 2006.