Despois de 34 anos traballando no servizo de Defensa Contra Incendios (hoxe SPIF), Gloria Gómez vén de xubilarse. Os seus compañeiros e compañeiras facíanlle unha homenaxe en recoñecemento ao seu labor profesional cun xantar que tiña lugar este domingo no Toural de Castro Caldelas. Nel tamén participaba a súa cuñada Ángeles Gómez, tamén traballadora neste mesmo servizo, que tiña que deixar a súa profesión por unha incapacidade. Ambas dúas son de aldeas de Parada do Sil e estaban na brigada CE-07 de Castro Caldelas.
“Foron 34 anos ás costas e problemas de saúde serios nalgúns períodos, que non lle quitaron as ganas de seguir exercendo o duro traballo da extinció”, destacan os seus compañeiros e compañeiras. Ademais lembran que cando elas comezaron era mínima a porcentaxe (un 10%) de mulleres no servizo, que tiña unhas condicións moi diferentes. “Hoxe por formación e tamén moita vocación polo servizo e amor á natureza o número de mulleres no dispositivo acada un maior valor, así como pola mellora nas condicións dos espazos que compartimos”, aseguran as súas compañeiras.