O xerente da Área Sanitaria, Félix Rubial, a xefa de Servizo de Psiquiatría do CHUO, María Tajes, e a xefa de Sección de Psiquiatrá do Hospital de Piñor, Chus Gómez, inauguran o 17 de abril as primeiras Xornadas Clínicas de Primavera Cadillac-Piñor, que reúnen en Ourense a especialistas en saúde mental do hospital ourensán de Piñor e o hospital psiquiátrico Cadillac (Burdeos, Francia) co obxectivo de intercambiar experiencias na atención directa aos pacientes, na análise de casos clínicos, programas funcionais e innovadores como pode ser o proxecto ourensán de Arte Espida, e establecer un marco colaborativo entre ambos centros.
É a primeira xornada que se celebra en Ourense tras a sinatura dun convenio de colaboración, no mes de novembro do pasado ano, para establecer un marco de aprendizaxe entre as dúas institucións e un intercambio formativo para os profesionais sanitarios que están a desenvolver a súa residencia nos hospitais de Piñor e Cadillac.
