Co fin de “reivindicar un termalismo terapéutico que pode estar perfectamente hermanado aos aspectos lúdicos que rodean a visión turística”, a Escola de Enfermería de Ourense organizará os días 19 e 26 de marzo as “I Xornadas sobre termalismo: auga, saúde e coñecemento”, que terán lugar no Centro Cultural Marcos Valcárcel da cidade das Burgas. Están divididas en dúas tardes, (19 e 26 de marzo) en horario de 16.30 a 20h.
A primeira tarde, este próximo mércores 19 de marzo, catro expertos na materia aproximarannos ao termalismo da cidade de Ourense desde a súa faceta xeográfica/histórica, turística, lexislativa e de saúde. Durante a segunda tarde, o 26 de marzo, mostraranse os proxectos de investigación e traballos realizados nos cales, tanto a Escola de Enfermería como o termalismo da cidade, tiveron, teñen e terán un importante protagonismo.
As xornadas están dirixidas a profesionais da saúde e público en xeral. Para a súa inauguración, o mércores ás 16.30 horas, contarase coa presenza da directora da Escola, María Milagros Fernández Varela, o Vicerreitor do Campus de Ourense, Francisco Javier Rodríguez Rajo e coa residenta do Colexio Oficial de Enfermería de Ourense, María José Menor Rodríguez.
