No mediodía deste luns, 6 de abril, producíase un incendio nun edificio do centro do Barco de Valdeorras. Pouco antes das 14 horas saltaba no 112 Galicia o aviso dun incendio no 4º andar do edificio situado na confluencia das rúas Eloy Mira e Marcelino Suárez, de onde saía abundante fume polas fiestras. Segundo os primeiros indicios, o lume podería terse iniciado na cociña.
Ata o lugar do suceso acudía a Garda Civil, o GES Valdeorras, os bombeiros do parque comarcal e a Policía Local do Barco que regulaba o tráfico xa que un dos carrís da estrada principal tivo que ser cortado mentres procedían ao labores de extinción e ventilación da vivenda.
Fotos: O SIL
Vídeos: O SIL e cedido