Jonathan Notario (León, 1981), licenciado en Belas Artes pola Universidade de Salamanca e doutorado pola Complutense de Madrid, utiliza a arte como un xogo de simulación desde o cal poder reflexionar sobre o ser humano, cuestionando a forma na que a ficción e a realidade relaciónanse entre si. Para iso emprega un labor didáctico, relacional, empática e respectuosa co espectador, mediante a creatividade e o humor.
“Os seus intereses ou cousas que lle inspiran non proveñen necesariamente da arte senón tamén doutras formas de ficción como poden ser cómic, conto clásico, literatura e cinema”, explican dende a Galería de Arte Marisa Marimón (Ourense) onde exporá, do 19 de septembro ao 14 de novembro Las Marabillas del Saber y otros mundos por conocer. “Unha exposición que te convida a unha viaxe a través do tempo, o coñecemento e a creación artística”, segundo indica o propio artista.
Aquí, as páxinas de enciclopedias antigas dos anos 70 cobran unha nova vida, transcendendo a súa función orixinal para transformarse en vibrantes obras de imaxinación e nostalxia. “Nestes lenzos, o analóxico e o pictórico dialogan, lembrándonos a beleza da información tanxible nunha era dixital, e o asombro que nos provocaba desvelar os seus segredos”, di Jonathan, asegurando que Las Marabillas del Saber “é unha oda á era dourada do coñecemento impreso, un recordatorio de que a beleza pode atoparse nos lugares máis inesperados, mesmo nas páxinas dun libro que unha vez cremos dicilo todo”.
A inauguración da exposición será este venres 19 de setembro ás 20 horas, con presenza do artista e visita guiada.