Durou pouco tempo pero a intensidade da treboada que caía na tarde deste domingo 26 de abril na Rúa, que arrastraba terra das zonas ardidas no incendio do pasado verán, provocaba numerosas incidencias en varios puntos da vila, especialmente nas zonas altas como Vilela ou Fontei, con espazos inundados e sumidoiros cubertos polo barro.
Tal como indican dende o 112 Galicia o desbordamento dun regato no Camiño da Pitarela, afectou aos baixos de dúa vivendas.
No operativo de limpeza, nestes e outros puntos como a zona do paseo no Aguillón, participaban voluntarios de Protección Civil da Rúa, bombeiros, Garda Civil e tamén o GES Valdeorras e bombeiros forestais para limpar as rúas, chegando o barro ao longo de toda a Progreso, entre outras.
Á parte da tres incidencias rexistradas no concello da Rúa, no do Carballiño, o 112 rexistraba cinco relacionadas con rúas e garaxes anegados; mentres que en Ourense contabilizábanse dúas.
Fotos e vídeos cedidos.