No marco da celebración do Día Nacional do Doante, que terá lugar este mércores 3 de xuño en Ourense, dende ALCER Ourense, continúa a programación de actos en diferentes puntos da provincia. Así neste martes instalábase entre as 11h. e as 13h. unha mesa informativa no Hospital de Verín.
Ademais, o mércores 3 de xuño, na cidade de Ourenseurante a mañá, instalarase unha mesa informativa na entrada de hospitalización do Complexo Hospitalario Universitario de Ourense (CHUO), en horario de 11.00 a 13.00 horas.
A partir das 11.00 horas, está prevista a recepción de autoridades e medios de comunicación neste espazo. Neste acto participarán Laura López del Castillo, xefa territorial de Sanidade en Ourense, e xerencia do CHUO.
Pola tarde, a programación seguirá cun acto institucional no Salón de Plenos do Concello de Ourense ás 18.30 horas, no que se abordará a realidade da doazón de órganos a través de testemuños en primeira persoa. Participarán unha persoa receptora e unha doante viva, que compartirán as súas experiencias para visibilizar o impacto humano e social deste xesto solidario.
Como peche da xornada, a escola de baile Only You ofrecerá unha actuación na Praza Maior da capital ás 19.00 horas, sumándose así á campaña de sensibilización.
Fotos cedidas.
