San Vicente de Leira (Vilamartín de Valdeorras), que resultaba devastado polas chamas na vaga de incendios do pasado agosto, lembra neste Nadal esa traxedia dun xeito reivindicativo. A súa veciñanza, coordinada pola Asociación de Veciños de San Vicente, vén de colocar nos diferentes barrios e zonas da localidade mesas, coidadosamente preparadas para celebrar a cea da Noiteboa sobre os cascallos dos que, meses atrás, eran as súas casas. O que hai nelas son elementos que puideron recuperar das vivendas tras o paso do lume.
Deste xeito, queren chamar a atención e seguir pedindo axuda, nestas datas tan sinalada, para recuperar a súa aldea. “Queremos lembrar aos todos os políticos que viñeron ata aquí a facerse fotos as súas promesas e que seguimos aquí esperando …….e que os convidamos a cear aquí nesta mesa posta co que se puido recuperar dos entullos e tamén desexarlles un bo Nadal”, din dende a Asociación de Veciños de San Vicente.
Fotos cedidas.
