O vindeiro 21 de maio ás 20h. na igrexa de Santa Rita no Barco terá lugar unha misa por Miguel Ángel Garrido Gómez, que foi administrador da Delegación de Facenda nesta localidade e que falecía o pasado 23 de abril aos 67 anos de idade.
Ademais de desenvolver a súa vida profesional no Barco, Miguel Ángel Garrido estaba moi implicado na vida social e cultural da vida, e así era socio e foi directivo do Insituto de Estudios Valdeorreses(IEV) e membro, ademais dun dos fundadores, do grupo musical Son do Sil.
Os seus veciños e amigos, ademais da súa familia, terán oportunidade de despedilo nesta celebración relixiosa prevista para a véspera do día da Santa Rita.