A Casa da Cultura de Trives convertíase no escenario do mitin principal do PP de Ourense na xornada do 19 de maio. Ata esta vila do oriente ourensán se desprazaban a eurocandidata Carmen Pardo, o vicesecretario xeral do PPdeG, Agustín Hernández, e o presidente provincial do PP, Manuel Baltar. Faciano para participar nun mitin que se encetaba da man do presidente presidente local do partido en Trives, Isauro Pérez.
Ao longo das intervencións incidiuse na importancia destas eleccións e no valor de Europa, en especial para zonas como as do rural ourensán. Neste senso, Manuel Baltar aseguraba que “a comarca de Trives é a foto fixa da necesidade do desenvolvemento rural”, sinalando asemade que “dispersión, envellecemento e malas infraestruturas teñen un remedio: a Unión Europea”.
O presidente provincial do PP incidía no determinantes que son neste senso as decisións tomadas no Parlamento Europeo “para o desenrolo da nosa provincia” e lembraba a importancia das políticas europeas para impulsar as potencialidades locais.
Fotos: Carlos G. Hervella
