Tras máis de media vida vinculado ao club da sua vila, Nando despídese do Centro de Deportes Barco. Facíao hai uns días a través das súas redes sociais, asegurando que chegaba “o día que nunca pensei que chegaría” e despois de tres meses nos que decidía tomar un pequeno respiro, “tomo a decisión de despedirme do CD Barco”.
Un club no que pasou a maior parte da súa vida, entre xogador e adestrador de porteiros, e que deixa “feliz por ter cumprido un soño que tiña dende neno”. Asegura marchar “coa conciencia tranquila de telo feito o mellor que sei” e “orgulloso de ter defendido a morte este escudo”.
E así, dando as grazas “á afección, directiva e todos os compañeiros que tiven, marcho feliz”, conclúe.
Fotos cedidas.