Na vindeira fin de semana disputarase na Nucía (Alacante) o Campionato de España Absoluto de Atletismo. Esta cita coa presenza dos mellores atletas de cada especialidade e, entre eles, estará un ano máis o lanzador barquense Carlos Revuelta, que con esta participación acumulará un total de 22 edicións, 21 delas consecutivas, contando aire libre e inverno.
Carlos Revuelta alcanza un fito de regularidade, máxime se temos en conta que nos concursos só participan habitualmente os 10 mellores do ranking nacional. Nesta ocasión, Valdeorras non contará con ningún outro atleta, xa que tanto Leticia Gil en salto de lonxitude, como Inés Docampo no medio fondo, non poderán estar por diversos motivos. Carlos participará no lanzamento de martelo, o venres ás 11 da mañá, coa intención de achegarse á súa MMP de 63,95 metros.
Foto cedida.