Non pudo ser. Malia os intentos do CD Barco por mater o bo ritmo da segunda volta na Terceira Federación, as dúas últimas derrotas ante equipos da zona alta botaban por terra o esforzo, afastándose dos postos de promoción.
A pasada semana perdían de forma estrepitosa (5-1) contra o Arteixo, terceiro clasificado e hoxe, facíano pola mínima en Calabagueiros ante o segundo clasificado, o Arousa.
Os rapaces de Agustín saían ao terreo de xogo baixo un impoñente sol e con ganas de sumar os tres puntos en xogo pero os ataques do rival botaban por terra os intentos ata que no minuto 29 Imanol non lograba parar o balón, subindo o 0-1 ao marcador. A partir de aí, cambiaba o tempo. A tormenta descargaba con forza sobre O Barco de Valdeorras pasando o tempo reglamentario sen máis goles.
Un único gol que serve aos pontevedreses para afianzarse no segundo posto e que afasta aos valdeorreses un pouco máis da zona de promoción a falta de tres partidos para o final da liga. O último partido regular en casa será o 3 de maio contra a UD Somozas.
Fotos e vídeo: Mónica G. Bellver.