Hai tempo que o CD Barco cumpría o obxectivo para este ano, permanecer e asentarse novamente na Terceira Federación e tal como asegura o presidente do club, Nilo Ramos, “todo o que poida chegar é considerado como un premio a uha tempada sublime no regreso á categoría”. Así e todo gustaríalles ter despedido a liga cunha vitoria na casa, pero non pudo ser.
Na tarde deste domingo 3 de maio o Barco disputaba o último partido da tempada no campo de fútbol municipal de Calabagueiros ante a UD Somozas, un equipo sempre complicado que acababa arrebatándolles aos de Agustín Ruíz, os tres puntos en xogo.
Eran os locais os que se adiantaban no marcador cun bonito gol de Rabil no minuto 29, rematando a primeira parte do encontro cunha lixeira vantaxe. Con todo, xa na segunda parte Juan empataba no minuto 67 e sentenciaba o partido co segundo gol visitante no 72′ ao transformar un penalti. Ao final 1-2 e certa tristura no banquiño e nas bancadas ao afastarse un pouco máis dos postos de play off de ascenso.
A seguinte xornada, a última desta tempada, levará aos vermellos ata o campo do CD Estradense, cuarto clasificado.
Fotos: Carlos G. Hervella.