Todo cambio necesita un período de adaptación e niso están o CD Barco e o novo adestrador. Agustín Ruiz chegaba ao Barco de Valdeorras hai apenas uns días, coa primeira toma de contacto cos xogadores o pasado luns. Nese momento aseguraba que sacar ao equipo da dinámica na que se atopa é moi importante. “Que os xogadores se sintan capaces e crean que son un equipo capaz de estar máis arriba”, dixo, algo para o que necesitan un tempo que aínda non pasou.
De feito, na chuviosa e fría tarde deste domingo 21 de decembro era o seu debú no Barco, no partido da xornada 15ª en Terceira Federación ante o Atl. Coruña Montañeros CF no campo de Calabagueiros que se resolvía co 0-1 para os visitantes.
Con este resultado (a terceira derrota consecutiva), o conxunto vermello colle as vacacións de Nadal a un paso dos postos de descenso. Tralo parón, o 11 de xaneiro, tocaralle viaxar ata A Coruña para enfrontarse á UD Somozas.
Fotos: Carlos G. Hervella.