O estadio de Calabagueiros acollerá mañá a partir das 20h. o terceiro partido amigable de pretempada do CD Barco. Nel o equipo que preside Nilo Ramos medirase co Lugo B, en cuxo plantel está Raúl González, fillo de Raúl, ex xogador do Real Madrid).
A entrada ao partido para os socios do CD Barco con carné actual será de balde e, no resto dos casos, custará 5 euros.
Nos amigables que leva ata agora, o equipo barquense sumaba dúas vitorias. O primeiro partido de pretempada do CD Barco foi coa Xuvenil Ponferradina, cun resultado de 5-0, e o segundo contra o Club Deportivo Toralense, que concluía cun marcador de 7-0.
