Cara e cruz para os equipos valdeorreses que na xornada deste xoves 19 de marzo disputaban os oitavos da Copa Deputación de Ourense. Mentres o CD Rúa quedaba eliminado logo de perder 0-3 ante o CD Maceda, o CD Córgomo Vilamartín clasificábase para cuartos tras derrotar 0-4 ao CD Vilar de Barrio.
Derrick abría o marcador para o conxunto valdeorrés no campo da Corga, co primeiro gol no minuto 17 e pouco antes do descanso Dani poñía o 0-2. Xa na segunda parte Poli marcaba no minuto 79 e Dani anotaba no 82′ o segundo poñendo o 0-4 no marcador.
Un resultado que demostra o bo estado no que se atopa o conxunto verdibranco que adestra Iván González, loitando polo ascenso na liga e clasificado para a seguinte rolda da Copa.