Os colegiados do Colexio Oficial de Enxeñeiros Agrícolas de Ourense participaban neste sábado 20 de decembro nunha xornada histórica para a institución, na que se renovou a súa xunta de goberno e abriuse un novo capítulo no futuro desta entidade colexial.
A mañá comezou no Salón de Actos do Balneario de Laias, cunha emotiva Asamblea Xeral Ordinaria na que se aprobaron os presupostos para 2026, consolidando a planificación e os proxectos de crecemento da entidade para o próximo ano. Un momento de consenso que marcou o ton positivo dun día cheo de participación e ilusión.
Tras a constitución da mesa electoral, celebráronse as votacións e, posteriormente, a Asamblea Xeral Extraordinaria, que formalizou a nova Xunta de Goberno. José Paz Paz asumiu a presidencia acompañado por un equipo comprometido:
- Vicepresidente: Manuel Rojo López
- Secretario: Miguel Ángel Viso Diéguez
- Vicesecretaria: Isabel Delgado Outeiriño
- Tesorera: Nazaret Álvarez Freire
- Vogais: o valdeorrés Pablo Estévez Meléndez, Xosé Carballido Presas, Paula María Vázquez Rocha, Aroa Gómez González, Enrique González López e Óscar Álvarez Mociño
A nova Xunta de Goberno asumirá o relevo do traballo realizado por Manuel Rojo como presidente saínte, quen deixa un legado de compromiso, rigor e progreso, consolidando proxectos clave e iniciando un traballo continuado para visibilizar a profesión de enxeñeiro agrícola e a súa importancia para o desenvolvemento rural. Durante os últimos meses, desde a Xunta en funcións levaron a cabo múltiples accións para dar a coñecer o valor estratéxico da enxeñaría agrícola, e este novo equipo continuará esa liña, reforzando o papel da profesión como motor de innovación, sustentabilidade e progreso económico no medio rural galego.
A nova etapa liderada por José Paz Paz aposta pola “continuidade e polo reforzo da comunidade profesional, co obxectivo de seguir traballando pola excelencia, a visibilidade e o apoio ao sector agrícola, fundamental para o futuro das comarcas rurais de Ourense e Galicia”.