O público poderá escoller até o día 12 un entre cinco semifinalistas elixidos por un xurado nunha fase previa
O Concello habilita a votación popular para elixir o cartel das festas de Ourense, que este ano contou con 14 propostas iniciais. Os cidadáns terán até o vindeiro 12 de xuño para votar por un finalista, de entre cinco que resultaron seleccionados por un xurado nunha fase previa. Para proceder á votación, deberase acceder a través de www.ourensecultura.com/concursos. O sistema só admite un voto por persoa e requírese unha previa inscrición indicando o número de DNI. Os carteis finalistas serán expostos na Rúa do Paseo para que todos os cidadáns coñezan os carteis e poidan participar na votación.
