Comeza a V Edición do Campus “Every Child” (Método Suzuki), que organiza Enclave en colaboración co Concello de Celanova. Ao longo desta semana, os participantes formaranse a través de clases de aprendizaxe musical e actividades de lecer.
Así mesmo, ofreceranse diversos concertos de balde e abertos ao público en espazos emblemáticos como o Auditorio Municipal Ilduara, o Mosteiro e a Igrexa de San Rosendo.
Dende o Concello de Celanova convídase “a toda a veciñanza e visitantes a desfrutar da música e do talento dos novos intérpretes”.
A programación detallada cos horarios dos concertos pode consultarse a continuación no cartel.
