Co acendido da iluminación o vindeiro venres 12 de decembro arrincará oficialmente o Nadal en Parada de Sil, cun completo programa de actividades para estas datas que pretenden tamén facilitar a vida familiar e laboral co Campamento Concilia Nadal de 10 a 18 horas.
Os días 22 e 23 de decembro haberá sendos obradoiros de galletas e adornos; o 24 Papá Noel visitará aos cativos no Salón de Actos do Concello; o domingo 29 terá lugar un percorrido polos bares da Coral Aqua Música cantando panxoliñas (12 horas) para logo ir á Residencia Luces do Sil (16:30 horas) para alegrar o Nadal aos maiores; o día 30 os nenos de Parada visitarán Pazolandia en Ourense; e o día 31 haberá unha festa de Fin de Ano na Nave da Castaña (de 17:30 a 20:30 horas).
E xa no novo ano, o día 2 de xaneiro haberá outro obradoiro de marcos de fotos con material de refugallo; e o día 5 a Cabalgata de Reis con paradas na Residencia (17 horas) e Casa do Concello (18 horas).