Como mostra de “agarimo e recordo polas vítimas mortais do terrible accidente de ferrocarril de Adamuz (Córdoba), polos feridos e polas súas familias”, este mediodía gardábase un minuto de silencio no exterior do Concello de Viana do Bolo. Así mesmo, dende o Concello destacábase que “agradecemos o labor de todos os servizos médicos, persoal de emerxencia e os xestos solidarios de todos os veciños que están a axudar aoa safectados”.
Ademais suspendíase a presentación do cartel do Entrudio 2026, que estaba prevista para esa mesma hora. Os xestos de apoio con minutos de silencio tiñan lugar en diferentes concellos da provincia, así como noutras institucións.