O Concello do Barco vén de emitir un comunicado no que anuncia que suspende as actividades previstas por mor do loito polo accidente ferroviario de Toledo. “En cumprimento do Real Decreto 949/2026, de 28 de octubre, polo que se declara loito oficial como testemuña de dor polos falecidos no accidente ferroviario acontecido en Urda (Toledo), desde ás 00 horas do día 29 ata as 24 horas do día 31 de outubro de 2026, o Concello do Barco suspende todas as actividades institucionais, culturais, deportivas e de lecer programadas”, di o anuncio.
Así mesmo, o Concello do Barco indica que a “bandeira nacional, xunto cas demais bandeiras ao seu carón, ondean desde hoxe a media asta en todos os edificios públicos do Concello. A corporación municipal traslada o seu máis fondo pesar, solidariedade e apoio ás familias e achegados das vítimas nestes momentos de profunda dor”.