Cada parroquia vive a Semana Santa con devoción e solemnidade destacando os seus propios cultos. No caso de Santo Estevo, na Rúa, e o Venres Santo o día máis activo con varias celebracións que manteñen tradicionalmente.
Pola mañá tiña lugar o Viacrucis e a Procesión do Encontro no que participaban tres pasos: San Xoán, a Dolorosa e o Nazareno camiño do Calvario; e pola tarde un dos actos máis destacados do seu programa: o Desencravo.
Coma sempre o acto comezaba co Sermón das 7 Palabras a cargo do párroco, Daniel Pérez Quintela, que revivía os lútimos momentos de Cristo antes de perecer na cruz:
- Padre perdónales porque no saben lo que hacen
- En verdad te digo, hoy estarás conmigo a la derecha de Dios
- Mujer ahí tienes a tu hijo, ahí tienes a tu madre
- Dios mío, Dios mío ¿por qué me has abandonado?
- Tengo sed
- Todo está cumplido
- Padre, en tus manos encomiendo mi espíritu
De seguido os costaleiros procedían a desencravar e baixar o Cristo articulado da Cruz colocada diante do retablo central, tralo altar, para levalo diante da Virxe e posteriormente colocalo no féretro de cristal no que era levado durante a Procesión do Santo Enterro xunto á Dolorosa e San Xoan, nun percorrido pola Rúa Vella co que remataba o solemne acto.
Fotos e vídeos: Mónica G. Bellver.