Tras varias décadas celebrándose na Rúa, o Encontro de Poetas do IEV celebrará a súa XXXVII edición no Barco de Valdeorras “como nos seus inicios”, avanza dende a organización María Carmen Gago, responsable da sección poética do Instituto de Estudos Valdeorreses.
Cun total de 32 poetas, chegados como sempre de distintos puntos de España, principalmente Galicia e O Bierzo e dooutros países como Arxentina, Perú ou Portugal, o recital levarase a cabo na sede do Instituto de Estudos Valdeorreses, na Casa Grande de Viloira, os días 4 e 5 de xullo ás 20:30 horas.
O apartado musical correrá nesta ocasión por conta do cargo do cantautor José Luengo de Bembibre e da rondalla Sones del Cúa de Cacabelos.
Esta edición do Encontro de Poetas do IEV conta coa colaboración do Concello do Barco “que subvencionará a cea de clausura, de confraternización entre todos os poetas asistentes ao acto”, destaca M. Carmen.