Ás dez e media en punto da noite deste domingo 14 de setembro comezaba un dos momentos máis especiais e agardados cada ano nas Festas do Cristo do Barco: a tirada de fogos artificiais. As beiras do río Sil enchíanse de multitude de persoas que buscaban o mellor lugar para seguir este espectáculo pirotécnico, que enchía de luz e cor a noite da data central destas festas na vila.
Eran 14 intensos minutos nos que o ceo nocturno se tinguía de multitude de cores e formas que se reflexaban nas augas do Sil para desfrute de veciñanza e visitantes, que non perdían detalle. Remataban coas tradicionais bombas que marcaban a despedida dos fogos.
Fotos: Mónica G. Bellver/ A.R.
Vídeos: Mónica G. Bellver/ Carlos G. Hervella