O son de bombos e aixadas e os Boteiros do Fulión de Viana do Bolo tomaba na tarde do 12 de xullo as rúas de Vilaboa. Esta localidade pontevedra acollía o VII Encontro de Entroidos, coa participación dunha ducia de manifestacións de diferentes partes de Galicia, así como do norte de Portugal e de Castela e León.
Así, ademais do fulión vianés, o programa incluía aos Currumiños (Mos, Pontevedra), Xenerais da Ulla, Follateiros de Lobios, Madamas e Danzantes do Entroido de Salcedo (Lugo), o Atenazador de San Vicente de la Cabeza (comarca de Aliste, Zamora), as Burras de Tremor de Arriba e o Toro de Espina Tremor (Igüeña, León), Guirrio e Madamitas de Cimanes del Tejar (León), Caretos de Lazarim e Caretos de Arcas (Portugal).
Imaxes: Alcaldía Concello de Vilaboa de Cobres.