Coincidindo coa conmemoración do 25 de abril de 1974, data que na que Portugal mudaba o rumbo da súa historia, a Agrupación Cultural Alexandre Bóveda inauguraba neste venres ás 19:30h. na súa sede na Coruña a exposición fotográfica “Ailalalelo” do colectivo Ollo de Vidro.
Nese marco o músico e actor valdeorrés Paco Campos interpretaba, xunto cos asistentes, o “Grândola, Vila Morena”. Esta canción de Zeca Afonso soaba ás 00:20h dese 25 de abril de 1974 en Rádio Renascença. Era o sinal do inicio da Revolucão dos Cravos, que acababa coa ditadura máis antiga de Europa e devolvía a democracia a Portugal.
Vídeos cedidos.