Mantense a tendencia á baixa nos casos activos de Covid-19 na provincia. Segundo os datos notificados hoxe pola Consellería de Sanidade (actualizados ás 18h. do 30 de novembro), rexístranse 449 casos activos de coronavirus, mentres as hospitalizacións en planta son 51 e 6 na UCI, e os novos casos confirmados por PCR nas últimas 24 horas baixan a 10.
Con respecto aos ingresos o Hospital de Valdeorras conta hoxe con 6 pacientes con coronavirus en planta (1 máis que na fin de semana), mentres que o Hospital de Verín ten 2 e o Hospital Universitario de Ourense rexistra 43 en planta e 6 na Unidade de Coidados Intensivos.
O total de casos rexistrados ata o de agora na provincia ascende a 7.547, con 6.805 curados e 292 falecidos (o último onte, no Hospital Universitario de Ourense). Polo de agora lévanse realizado 115.739 probas PCR.
