Sara Pérez, Laura Álvarez, Eva Domínguez e Adrián Prieto, alumnos de 1º e 2º de Bacharelato na modalidade de Ciencias Sociais, no IES Xermán Ancochea Quevedo de Trives, conseguían dous meritorios postos no concurso “Simulador de empresas” organizado pola fundación Junior Achievement para ilustrar o funcionamiento das decisións propias do mundo dos negocios na vida real, no que participaron institutos de toda España.
O proxecto, no que os alumnos de Economía do centro trivés fixeron o papel de directores estratéxicos dunhas fábricas contextualizadas no futuro, comezaba no mes de novembro de 2013 e remataba a comezos de marzo de 2014.
Os estudantes, orientados polo profesor Carlos Ferreiro, dividíronse en dous grupos. O primero “Tricalde” formado por Sara e Laura conseguía chegar á final logrando o 3º posto. O segundo equipo “Triveses” formado por Eva e Adrián, lograban o 9º posto.
Foto: Carlos G. Hervella
Máis información na vindeira edición en papel do Periódico O Sil
