O incendio que leva días asolando a comarca de Valdeorras segue imparable. Especialmente virulento está sendo estes días nos concellos do Bolo, O Barco e Vilamartín de Valdeorras.
Neste último leva arrasado xa varias aldeas, entre elas O Mazo e San Vicente que onte pola noite vía arder moitas casas, algunhas habitadas, sen medios para apagar o lume.
Lonxe de mellorar a situación empeoraba na xornada deste domingo 17 de agosto pola outra ladeira poñendo en risco poboacións como Correxais, Valencia do Sil, Arnado ou Penouta onde as chamas aproximábanse perigosamente ás casas.
Fotos e vídeo: Carlos G. Hervella.