Destacada actuación do valdeorrés Javier Cid no Campionato de España Sub18 que se celebraba na pasada fin de semana. Este atleta do Sanysec-Ourense Atletismo quedaba moi preto do podio no lanzamento de martelo. Así situábase cuarto cunha marca de 61.59 metros.
O Sanysec-Ourense Atletismo lograba outros dous postos de finalista: Mario Lorenzo era sétimo nos 2.000 obstáculos con 6:00.21 e Sabela Vázquez en oitava posición no lanzamento de peso con 11.72 metros.
Os novenos postos foron para Irene Conde en martelo e Hugo Novoa en disco, décimas posicións para o mesmo Hugo en martelo e para Rebeca Fernández en pértega. Usúe Bernárdez e Claudia Pérez participaron nas súas seminifais, sen poder clasificarse á final (31º e 35º postos por tempos).